तरकारी बोकेको जिप दुर्घटना हुदाँ १ को मृत्यू ६ जना घाइते

कपुरकोट गाउपालिका वडा नं. ४ मा तरकारी बोकेको जिप दुर्घटना हुदाँ १ जनाको मृत्यू भएको छ भने ६ जना घाइते भएका छन् ।

किपुचौर बाट कपुरकोट हाट बजारको लागि तरकारी बोकेर जादै गरेका लु १ च ४१५३ नं.को पिकअप जिप अनियन्त्रित भई दुर्घटना हुदाँ जिपमा सवार कपुरकोट गाउपालिका वडा नं. ४ किमुचौर कि ६७ वर्षिय कर्मी पुनको उपचारको क्रममा तुल्सिपुर अञ्चल अस्पतालमा मृत्यू भएको हो ।

जिपमा सवार अन्य ६ जना घाइते भएको र घाइतेहरुको अहिले अञ्चल अस्पताल तुल्सिपुरमा उपचार भइरहेको र जिप चालक प्रहरी नियन्त्रणमा रहेको जिल्ला प्रहरी कार्यालय सल्यानले जनाएको छ ।