सल्यानमा ट्रक दुर्घटना हुदाँ १ को मृत्यू, ९ जना घाईते (अपडेट)
सल्यानमा ट्रक दुर्घटना हुँदा एक जनाको मृत्यू भएको छ भने ९ जना घाईते भएका छन् । जिल्लाको कपुरकोट गाँउपालिका ३ आगरखोलाको घुम्तीमा सोमबार बिहान करिब १० बजेतीर ट्रक दुर्घटना भएको हो । रुकुमबाट दाङ्घ तर्फ जाँदै गरेको ना ४ ख ९७११ नम्बरको ट्रक दुर्घटना हुदाँ गम्भिर घाईते भएका सल्यानको शिद्धकुमाख गाउपालिका वडा नम्बर २ का ५३ बर्षीय दुर्गाबहादुर बस्नेतको कोहलपुरमा सोमवार दिउँसो सवा दुई वजेतिर उपचारको क्रममा निधन भएको प्रहरीले जनाएको छ ।
दुर्घटनामा परि घाइते हुनेहरुमा दाङ्गको तुलसीपुर उपमहानगरपालिका ५ का ट्रक चालक तारा प्रसाद खड्का, सोही ठाँउ निबासी सहचालक २० बर्षिय यज्ञ बहादुर खड्का रहेका छन् । उनीहरुको प्रहरीको निगरानीमा स्थानिय स्वास्थ्य संस्थामा उपचार भैरहेको छ ।
यस्तै दाङ्गको तुलसीपुरका ३८ बर्षिय मान बहादुर पुन, सल्यानको सिद्ध कुमाख २ का ६६ बर्षिय दल बहादुर बोहरा, बागचौर नगरपालिका ३ निवासी गिता रेउले, कपुरकोट गाउपालिका ५ निबासी ३० बर्षिय छबि बिक, निजका छोरा ११ बर्षिय प्रबिन बिक, छत्रेश्वरी गाउपालिकाको लान्ति निवासी नबिना खत्री र शारदा नगरपालिका १५ निबासी ४२ बर्षिय उपेन्द्र रावत घाईते भएका छन् ।
घाईतेहरुको दाङ्गको तुलसीपुरमा उपचार भैरहेको जिल्ला प्रहरी कार्यालय सल्यानले जनाएको छ । प्रहरीका अनुसार घुम्तीमा ट्रकको ह्यान्डिल मोड्न नसक्दा दुर्घटना भएको हो । ट्रक सडक देखी झन्डै ५०/६० मिटर तल खसेको छ ।
